मोर गाँव रोवत हवे

    आज मोर गाँव रोवत हवे आधुनिक दुनिया में मोर गाँव के अइसन हालत हवे। काला मैं दोष लगाव सरकार ला जोन कभू गाँव ला झांके नई हवे या मंत्री ला जेला मतलब नई हवे या फेर गाँव के सरपंच अउ पंच ला या अपन गाँव के मनखे ला। जम्मो झन ला कोई मतलब नई हवे मोला का करना हे मोला का करना हवे। अब सबले बड़े दोषी तो महि हरव संगी जोन पढ़ लिख के भी गाँव में सुराज नई ला सकेव। आज मोर गाँव के पावन भुइया गोहार लगावत हवे अउ रोवत मोला कहत हवे बेटा मै तोला अपन गोदी में खेलायेव पढ़ाये शिक्षित करेव आज यही दिन ला देखे बर, अरे तोर ले तो बने अनपढ़ गंवार हवे जेन तो मोर सेवा ला जानथे।
भुइया दाई के सवाल के जवाब मोर मेर नई हवे संगवारी आपमन मोला जवाब दव की मै अपन भुइया दाई बर का सेवा कर सकव।

ग्राम गिधवा पोस्ट नगधा
तहसील नवागढ़, जिला बेमेतरा
छत्तीसगढ़, पिन 491340